| 1 | |
HStAOrient5a: 97v yā ḥaẕf olındı dėdi. Pes Beşīr Şādāna suʾāl ėdüb eyitdi: // Fiʿlden vezn‑i mevlā niçedür? Şādān eyitdi: Vezn‑i mefʿaldür. [Beşīr eyitdi:] // Pes vezn‑i mevtā niçedür? Cevāb vėrdi ki: Faʿlādur. Beşīr eyitdi: // Mevlā ile mevtā mā‑beyninde farq nedür? Anuñ vezni mafʿal // bunuñ vezni faʿlādur? Evvelā Şādān eyitdi: Mīm‑i mevlā zāʾiddür // aṣlī degüldür waliya yaliyu dandur. Ammā mīm‑i mevtā aṣlīdür māta // yamūtudandur. ʿİlmü ş‑şiʿr: Baʿdehū Beşīr eyitdi: Ey Şādān eşʿār‑i // ʿArab ḥaqqında şuʿūruñ nedür? Şādān eyitdi: Şuʿūrum oldur ki // resūlu llāh dėmişdür: Inna mina š‑šiʿri la‑ḥikmatan wa‑inna mina l‑bayāni // la‑siḥran. Şiʿrde fevāyid‑i celīle çoqdur. Ḫizāne‑i mekārim ve zīnet‑i // velāyim ü melāḥim eks̱eri ilhām‑i rabbānī ve telqīn‑i subḥānīdür. // Mādām ki faḥşīyātı [!] müştemil olmayub münehhā olmaya. Ve eḥādīs̱‑i // nebevīyede bu daḫı vārid olmışdur: ʿAllimū awlādakumu š‑šiʿra fa‑innahū // yuftiqu ḏ‑ḏihna wa‑yūriṯu š‑šaǧāʿata. Yaʿnī evlāduñuza taʿlīm‑i // şiʿr eyleñ zīrā ḫāṭırı küşāde ėder ve şecāʿat ü saḫāvet // getürür. Ve bi‑l‑cümle şiʿr mecāmiʿ‑i ḥikem ü ʿirfān ve şevāhid‑i müşkilāt‑i // Qurʾāndur. Şiʿr: Iḏā t‑tanzīlu aškala minhu ḥarf fa‑šāhidu ḏālika // š‑šiʿru l‑maqūl. Nes̱r: Ve ṭıbāʿ‑i merdüm menşūrdan manẓūma // artuq māyildür ve naẓm içün qaydu l‑ʿawāyid dėmişdür. Zīrā nes̱rde |